Trie's Cheese

Trie's Cheese
Indonesian Original Cheese

Friday, October 28, 2011

RESEP KEJU EDAM VERSI BANYUMASAN


RESEP EDAM BANYUMASAN

  1. Sediakna dhisit susu sapi utawa susu wedhus limolas liter. Olih mentah, olih Pasteurisasi.

  1. Panasna susu ngantekan sangalikur drajat Celcius.

  1. Tambahna setugel sendok teh bubuk kultur mesofilik type III (uga disebut bakteri laktik) meng secangkir susu, banjur dicampuraken ming susu sekabehane, banjur dikubek.

  1. Dijorna bae susune ben mateng tekan telungpuluh menit, suhune dijaga ben terus stabil.

  1. Nek perlu, tambahna sesendok teh kalsium klorid (diencerna dhisit karo banyu adem seprapat cangkir), banjur dicampuraken meng susu kanggo mbantu ndadekna “curd”.

  1. Tambahna sesendok teh rennet. Campurna rennet kambi seprapat cangkir banyu adem sedurunge disogna meng susu. Nek nganggo susu wedhus, gunakna telung prapat sendok teh rennet karo kalsium klorid.

  1. Dijaga suhune ben tetep neng angka sing padha, nganti patangpuluh limang menit.

  1. Bar curd ndadi karo wis bisa “clean break”, curd diris-iris seukuran enem sentian, banjur dikubek nganti limang menit.

  1. Sesuwene rong puluh menit, alon-alon unggahna suhune gutul telungpuluh telu Celcius kambi terus diubek.

  1. Jorna curd sedhela, banjur buang separone “whey” lan disimpen. Siki banjur ditambahna banyu anget patangpuluh pat Celcius nggo ngganti whey, bar kuwe diubek.

  1. Unggahna suhu nganti telungpuluh pitu Celcius lan ditahan nganti selawe menit. Pas sesuwene kiye AJA diubek. Banjur, curd ditirisaken karo kalo.

  1. Banjur,curd dilebok-lebokna meng pres keju, disetel kenceng, banjur dijoraken sewengi.

  1. Bar wis dipres sewengi, keju ditokna sekang pres-presan, banjur diblebekaken maring whey sing wis diangetaken nganti suhu patangpuluh pitu Celcius. Jorna bae keju neng njero whey nganti lima-sepuluh menit. Bungkus maning kejune karo bujur resik njur dipres maning tekan limang jam.

  1. Tokna maning kejune sekang pres-presan, njur diblebekna meng banyu uyah sing buket nganti sewengi.

  1. Tokna keju sekang banyu uyah, njur jorna bae ben garing neng suhu ruang. Bar kuwe njur dilapisi lilin apa divakum plastik, njur disimpen neng nggon adhem. Keju edam siap dibadhog bar diperem rong wulan.

6 comments:

  1. Hehehe...barang siapa nggak mudeng dengan Bahasa Banyumsan, silakan ngajak-ngajak teman yang berasal dari ex-karesidenan Banyumas untuk membantu panjenengan.

    ReplyDelete
  2. Salam kenal Mas Tri,

    Mau tanya yield keju-nya dapet berapa gram per 10 liter susu? Ini yield yang sudah selesai di-pres untuk keju edam dan juga yang cheddar.

    Thanks,
    bangbang - Soreang

    ReplyDelete
  3. Salam kenal juga Mas Bangbang.
    Dari catatan yg ada selama setahun terakhir, yield baik utk edam maupun mozzarella sekitar 10 persen. Jadi, dari 10 liter susu sapi, didapatkan 1000 gram keju.

    Konon, kalau bahannya susu kambing, yield-nya lebih tinggi lagi. Cuman, saya belum pernah nyoba, abis susu kambing harganya mahal. Di daerah saya di Depok, harga per liternya mencapai 40 ribu rupiah.

    ReplyDelete
  4. salam kenal pak ..
    saya ingin membuat cream cheese sendiri di rumah (homemade).
    apakah bapak menjual kultur bakteri yang dapat membuat cream cheese, yang saya tahu dari you tube http://www.youtube.com/watch?v=4RRBPuGPQHo

    mohon balasannya ..
    terima kasih

    Adinda-Malang

    ReplyDelete
  5. Hahahhah....Njur bar kue dibadog nganti wetengmu busung...
    Sung lah sampeyan kreatip..enyong tah arep melu melunan sampeyan baee kowwh

    Hahha

    ReplyDelete